Սյունիքով Ադրբեջանը Նախիջևանին կապող ճանապարհի վերահսկողությունը մասնավոր պահնորդական ընկերությանը հաձնելու մասով նոր մանրամասներ չկան,- ԱԺ-ում ճեպազրույցի ժամանակ ասել է ՀՀ ԱԳ փոխնախարար Մնացական Սաֆարյանը։ «Այդ մասին խոսվել է, դեռ մանրամասները հայտնի չեն»,- ասել է նա և վստահեցրել, որ հայ սահմանապահները և մաքսավորներն այդ ճանապարհին աշխատանք իրականացնելու են։ «Խոսվել է մասնավոր ընկերության ներգրավման հնարավորության մասին, բայց դետալները դեռ չկան։ «Դա «Խաղաղության խաչմերուկ» նախագծի հետ որևէ կապ չունի, բայց դրա տրամաբանության մեջ է»,- ասել է Սաֆարյանը։