Սիրելի երևանցիներ, ուզում եմ տեղեկացնել, որ Աջափնյակ վարչական շրջանում մենք ունենք նոր նշանակում, պարոն Սերոբ Սարգսյանը նշանակվել է վարչական շրջանի ղեկավար,- Երևանի քաղաքապետարանի հերթական գործակարգավարական խորհրդակցության ժամանակ հայտարարել է քաղաքապետ Տիգրան Ավինյանը։ Նա շնորհակալություն է հայտնել Կամսար Բաբինյանին, որը 2.5 տարի եղել է Աջափնյակի վարչական շրջանի ղեկավար և որի հետ, ըստ Ավինյանի, հասցրել են բազմաթիվ ծրագրեր իրականացնել։ «Ուզում եմ տեղեկացնել, որ պարոն Բաբինյանը նշանակվել է Հայաստանի ամենախոշոր պոլիկլինիկայի տնօրեն, որի առիթով նաև պարոն Բաբինյանին եմ շնորհավորում»- ասել է Ավինյանը։