Դեկտեմբերի 12-ին, ժամը 20:02-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Հյուսիս-Հարավ ավտոճանապարհին՝ տեղի է ունեցել ՃՏՊ, ավտոմեքենան բախվել է արգելապատնեշին․ կան տուժածներ։ Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ «Opel» մակնիշի ավտոմեքենան (վարորդ՝ Կ․ Յ․, ծնված 2006 թ.) դուրս է եկել ավտոճանապարհի երթևեկելի հատվածից և բախվել բետոնե արգելապատնեշին: Մինչ փրկարարների կանչի վայր հասնելը՝ ավտոմեքենայի ուղևոր Գ․ Խ․-ն հոսպիտալացվել է բժշկական կենտրոն։ Փրկարարները սահմանազատել են տարածքը։ Shamshyan.com-ն էլ հայտնել է, որ մինչ դեպքի վայր կժամանեին քննիչները, «Աստղիկ» բժշկական կենտրոնից ՊԾ Երևան քաղաքի գունդ ահազանգ է ստացվում, որ վիրավորներից մեկը, գիտակցության չգալով, մահացել է։