Անի Գրանդ հյուրանոցում Բագրատ արքեպիսկոպոս Գալստանյանը հանդիպում է անցկացնում Սրբազան պայքարի համակիրների հետ։ «Երկու անգամ բացթողումներ ունեցանք, չկարողացանք արդյունքը արձանագրել։ Այս անգամ երբ փողոց դուրս գանք, վերջնական կհեռացնենք: Մեր այսօրվա նպատակն այն է, որ տեսնենք մեր համակիրներին, հասկանանք՝ ով ինչ կարգավիճակում է, որովհետև այս ընթացքում շատերին կալանավորել են, ձերբակալել են, հալածել են։ Այդ մարդիկ իրենց մենակ չպետք է զգան։ Որոշակի բացթողումներ են եղել նախկինում, բայց այս անգամ չպետք է լինեն»,- լրագրողների հետ զրույցում ասել է Բագրատ արքեպիսկոպոս Գալստանյանը։