Աքթաուում ինքնաթիռ է ընկել, որը Բաքվից թռչում էր Գրոզնի. այս մասին հայտնում է Ղազախստանի արտակարգ ծառայությունը: Կործանվել է «Ադրբեջանական ավիաուղիների» ինքնաթիռը։ Մինչև այդ, այն շտապ վայրէջք էր խնդրել։ APA գործակալությունը հայտնել է, որ, ըստ նախնական տվյալների, ինքնաթիռում գտնվել են 67 ուղեւոր եւ անձնակազմի 5 անդամ։ «Կազինֆորմի» տեղեկացմամբ՝ ինքնաթիռում եղել է 105 մարդ եւ անձնակազմի 5 անդամ։ ՌԻԱ «Նովոստի»-ն գրում է, որ Ադրբեջանի նախագահ Իլհամ Ալիևը Ռուսաստանից Բաքու է վերադառնում՝ կապված AZAL ինքնաթիռի կործանման հետ: Նա այսօր Սանկտ Պետերբուրգում պետք է մասնակցեր ԱՊՀ ղեկավարների ոչ պաշտոնական գագաթնաժողովին: