82 տարեկանում կյանքից հեռացել է Սենիկ Գևորգյանը: Սենիկ Վազգենի Գևորգյանը ծնվել է 1943թ.: Երեւանի պոլիտեխնիկական ինստիտուտն ավարտելուց հետո աշխատել է Հայաստանի արդյունաբերական շինմոնտաժային կազմակերպություններում։ Ավելի քան 25 տարի աշխատել է վառելիքաէներգետիկ համալիրում՝ գլխավորելով «Զակտրուբոպրովոդստրոյ» տրեստը և «Զակնեֆտեգազստրոյ» ասոցիացիան։ Եղել է Պրոմեթևս հեռուստաընկերության հիմնադիրը և սեփականատերը: Արժանացել է Աշխատանքային կարմիր դրոշի շքանշանի և Պատվո նշանի շքանշանի: Սենիկ Գևորգյանի հոգեհանգիստը տեղի կունենա ս.թ. հունվարի 3-ին, ժամը 17:30 Սուրբ Հովհաննես եկեղեցում, վերջին հրաժեշտը` ս.թ. հունվարի 4-ին, ժամը 12:00-ից Լյուար սգո սրահում: