ԱՄՆ նորընտիր նախագահ Դոնալդ Թրամփը հայտարարել է, որ Ռուսաստանի նախագահ Վլադիմիր Պուտինը ցանկություն է հայտնել հանդիպել իր հետ, կողմերը նման հանդիպման համար նախապատրաստական աշխատանքներ են տանում։ «Պուտինը ցանկանում է հանդիպել, և մենք դա կազմակերպում ենք»,- ՌԻԱ Նովոստիի հաղորդմամբ՝ ասել է Թրամփը լրագրողներին։ Պատասխանելով իր, Պուտինի և Չինաստանի առաջնորդ Սի Ցզինպինի եռակողմ հանդիպման հնարավորության մասին հարցին՝ Թրամփը պատասխանել է, որ դա կորոշվի ավելի ուշ։