ԱՄՆ նորընտիր նախագահ Դոնալդ Թրամփն ընտանիքի հետ ժամանել է Վաշինգտոն, որտեղ կայանալու է երդմնակալության արարողությունը, հայտնում է Daily Mail-ը: Սպիտակ տուն Թրամփի վերադարձի տոնակատարությունները սկսվել են ԱՄՆ մայրաքաղաքից մի քանի կիլոմետր հեռավորության վրա գտնվող Ստերլինգ քաղաքում՝ նրա գոլֆի ակումբում ճոխ հրավառությամբ: Թրամփի երդմնակալությունը տեղի կունենա հունվարի 20-ի կեսօրին, որին կհաջորդի երդմնակալության ուղերձը, որը սովորաբար սահմանում է նախագահի քառամյա ժամկետի առաջնահերթությունները: Քանի որ հունվարի 20-ին ցուրտ եղանակ է սպասվում, արարողությունը 40 տարվա մեջ առաջին անգամ բացօթյա չի լինի, այլ կանցկացվի Կապիտոլիումի ներսում: