Ինքնահռչակ Դոնեցկի Ժողովրդական Հանրապետության բռնցքամարտի ֆեդերացիայի ղեկավար, «Արբատ» կամավորական գումարտակի հիմնադիր Արմեն Սարգսյանը ծանր վիրավորում է ստացել Մոսկվայի հյուսիս-արևմուտքում գտնվող Алые паруса էլիտար բնակելի համալիրում պայթյունից, ՏԱՍՍ-ին հայտնել են օպերատիվ ծառայությունները: Ավելի վաղ interfax.ru-ն գրել էր, որ նա զոհվել է: Ըստ թելեգրամյան ալիքների՝ շենքում ինքնաշեն պայթուցիկ սարք կամ նռնակ է տեղադրված եղել: Օպերատիվ ծառայությունները ՏԱՍՍ-ին հայտնել են, որ Սարգսյանի դեմ մահափորձը պատվիրված եւ մանրակրկիտ ծրագրված էր։ «Սարգսյանի դեմ մահափորձը մանրակրկիտ ծրագրված եւ պատվիրված էր։ Ներկայում քննիչները պարզում են հանցագործության պատվիրատուների ինքնությունը»,- ասել է գործակալության զրուցակիցը։