Ես ասել եմ, որ կոալիցիա կազմելուն կողմ չեմ, իսկ համագործակցությանը միանշանակ կողմ եմ,- Գյումրիի ավագանու ընտրություններում իր քաղաքացիական պարտքը կատարելուց հետո լրագրողների հետ զրույցում ասել է «Մեր քաղաքը» կուսակցությունների դաշինքի կողմից առաջադրված քաղաքապետի թեկնածու Մարտուն Գրիգորյանը: «Բա եթե 50+ տոկոս չկարողանանք հավաքել, ո՞նց ենք քաղաքապետի պաշտոնը վերցնելու»,- ասել է նա և նծել, որ ինքն այսօր քվեարկել է հանուն համերաշխ, բարեկարգ, համախմբված Գյումրիի, որպեսզի գյումրեցին համախմբած լինի, ընտրի այնպիսի քաղաքապետ, որն իրականում կանգնած է գյումրեցիների կողքին։ «Քաղաքական ուժերը կգան, կգնան, բայց մենք քաղաքում մնալու ենք որպես քաղաքի մարդ, քաղաքի տղա, որպես պատգամավոր, որպես քաղաքապետ։ Կարևորը՝ այստեղ այս փորձությունների միջից մարդ դուրս գալն է ու մարդ մնալն է»,- ասել է քաղաքապետի թեկնածուն։