Քվեարկել եմ զարգացող Գյումրի տեսնելու համար, մեր գյումրեցին իր ընտրությունը կկատարի, վաղը կտեսնեք,- իր քաղաքացիական պարտքը կատարելուց հետո ասել է Գյումրու քաղաքապետի ՔՊ-ական թեկնածու Սարիկ Մինասյանը: Նա նշել է, որ բարձր է գնահատում իր հաղթանակի շանսերը ու անպայման 50+1 հավաքելու է: «Մի քանի ժամ է մնացել, բոլորդ կհամոզվեք: Որևէ աթոռ, պաշտոն կամ այլ բան ինձ կյանքում չի փոխի, ես որդուս եմ խոսք տվել, որ մենք ունենալու ենք զարգացող Գյումրի, համերաշխ հասարակություն, գյումրեցիներն այսօր իրենց քվեարկությամբ ապացուցելու են դա»,- ասել է նա: