Մոսկվան և Վաշինգտոնը քննարկում են Ռուսաստանի և ԱՄՆ-ի միջև ուղիղ օդային հաղորդակցության վերականգնման հարցը։ Այս մասին հայտարարել է Ռուսաստանի ուղղակի ներդրումների հիմնադրամի (RDIF) ղեկավար, արտասահմանյան երկրների հետ տնտեսական համագործակցության հարցերով ՌԴ նախագահի հատուկ ներկայացուցիչ Կիրիլ Դմիտրիևը, փոխանցում է ՏԱՍՍ-ը։ «Մեր դեսպանատունը և արտաքին գործերի նախարարությունը աշխատում են շատ կարևոր հարցերի վրա, այդ թվում՝ ռուսների համար գործնական հարցերի: Եվ փաստորեն, ակտիվ աշխատանք է տարվում ուղիղ թռիչքները վերականգնելու ուղղությամբ: Եվ մենք հույս ունենք առաջ շարժվել այս հարցում»,- Վաշինգտոնում լրագրողներին ասել է նա։