Ապրիլին Երևանում օդի առավելագույն ջերմաստիճանը կարող է հասնել +28-ից մինչև +30 աստիճանի,- «Հիդրոօդերևութաբանության և մոնիթորինգի կենտրոն»-ի տնօրենի տեղակալ Գագիկ Սուրենյանն է հայտնել այս մասին: Եթե վերջին 10 տարին վերլուծենք, դիտվում է ձմեռային ժամանակահատվածի ջերմաստիճանի կտրուկ բարձրացում բավականին մեծ ցուցանիշով և տեղումների անկում: Բայց միևնույն ժամանակ ամառային ժամանակահատվածում ջերմաստիճանը գրեթե անփոփոխ է և դիտվում է տարվա տաք կեսին տեղումների զգալի ավելացում։ Այսինքն, եթե տարեկան կտրվածքով գնահատենք, ձմռանը տեղումները պակասում են, ամռանը ավելանում են, տարեկան կտրվածքով առանձնապես լուրջ փոփոխություններ չունենք: Վիճակագրությունը ցույց է տալիս, որ վերջին 5 տարիներին աճել է տեղումների ինտենսիվությունը. կարող է ինչ-որ մի ժամանակահատվածում տեղումներ չլինեն և մեկ օրվա ընթացքում թափվել ամբողջ ամսական նորմայի չափ տեղումներ: Վերջին տարիներին նաև մեծացել է ապրոպների կրկնելիությունն ու ուժգնությունը: Սա շրջանառության փոփոխության հետ է կապված, որովհետև մոլորակի վրա առկա են մթնոլորտի շրջանառության որոշակի շեղումներ և այդ շեղումների ընթացքում մեզ մոտ հայտնվել են նոր մթնոլորտային երևույթներ, նոր պրոցեսներ, որոնք բերել են նման փոփոխությունների: Երևանում ապրիլի 4-ին, 6-ի ցերեկը, 7-ի գիշերը սպասվում է առանց տեղումների եղանակ։ Ապրիլի 5-ին երեկոյան ժամերին, 6-ի գիշերը, 7-8-ի ցերեկը սպասվում է կարճատև անձրև, հնարավոր է նաև ամպրոպ։ Ապրիլի 4 և 8-ին` առանձին շրջաններում օրվա ընթացքում սպասվում է կարճատև անձրև, հնարավոր է նաև նաև ամպրոպ։ Քամին՝ հարավարևմտյան՝ 2-5մ/վ: Ապրիլի 6 և 8-ին առանձին շրջաններում սպասվում է քամու ուժգնացում՝ 16-20 մ/վ արագությամբ։ Օդի ջերմաստիճանն էապես չի փոխվի։