Նոր Նորքի թաղապետարանում քիչ առաջ ծեծկռտուք է եղել ակտիվիստ Արթուր Չախոյանի և վարչական շրջանի ղեկավար Տիգրան Տեր–Մարգարյանի մասնակցությամբ։ Տեսանյութը հրապարակել է Armlur.am-ը. Ակտիվիստ Արթուր Չախոյանը աղմուկ հանած մանկապարտեզի և խաղահրապարակի կառուցման հարցով ցանկանում էր հանդիպել թաղապետին։ Թաղապետարանի աշխատակիցներն արգելել են, Չախոյանին ասել, որ նա վիրավորել է այս շենքի բոլոր տղամարդկանց եւ պետք է պատասխան տա դրա համար. «Արի, հանրային քննարկումն ավարտենք, հետո խոսենք առանց կամեռայի: Դու լավ տղա չես»,- ասել է աշխատակիցներից մեկը: Չախոյանն արձագանքել է՝ «Լավ տղեն դու չես»: Այնուհետեւ ծեծկռտուք է սկսվել, որին միացավ նաև թաղապետ Տիգրան Տեր–Մարգարյանը։ Վերջինս ծեծի է ենթարկել Չախոյանին: Ծեծի ենթարկելու վերաբերյալ տեսանյութի հրապարակումից անմիջապես հետո համայնքային ոստիկանության Նոր Նորքի բաժնի ծառայողները ժամանել են թաղապետերանի շենք և բերման ենթարկել Արթուր Չախոյանին: Ոստիկանական պաշտոնյան չի հայտնել, թե ինչու են միայն Չախոյանին բերման ենթարկում, իսկ մյուս պաշտոնյաններին՝ մասնավորապես, ծեծի մասնակից թաղապետ Տիգրան Տեր-Մարգարյանին՝ ոչ։ «Մինչև վերջ գնալու եմ»,- ոստիկանական մեքենայից հայտարարել է ակտիվիստը։