Այսօր՝ մայիսի 9-ին, ՀՀ ներքին գործերի նախարարության փրկարար ծառայության աշխատակիցներն առավոտյան ժամը 07:00-ից վերսկսել են Դեբեդ գետում մայիսի 2-ին «BMW»-ով Դեբեդ գետն ընկած 74-ամյա Ռուբեն Պ.-ի դիակի որոնողական աշխատանքները: Ինչպես հայտնում է Shamshyan.com-ը, քիչ առաջ Թումանյանի հրշեջ-փրկարարները Դեբեդ գետում՝ Ախթալա-Շնող հատվածում, ավտոմեքենայի ընկնելու վայրից մոտ 4 կմ հեռավորության վրա հայտնաբերվել է քաղաքացու դի: Պարզվել է, որ հայտնաբերվածը Լոռու մարզի բնակիչ 74-ամյա Ռուբեն Պ.-ն է: Այս պահին դիակի հայտնաբերման մասին ոստիկանության Թումանյանի բաժնից տեղեկությունը փոխանցել են ՀՀ քննչական կոմտեի Լոռու մարզային քննչական վարչության Թումանյանի քննչական բաժին: