Սյունիքում մերթընդմերթ հակառակորդի կողմից ուղիղ կրակոց է լինում, ինչի արդյունքում նաև լինում են դեպքեր, երբ կրակոցները դիպչում են ենթակառուցվածքներին ու ընտանի կենդանիներին. այս մասին այսօր լրագրողների հետ զրույցում ասել է Սյունիքի մարզպետ Ռոբերտ Ղուկասյանը։ «Շատ վատ է, որ կրակում են, երևի 3 ամիս է ու ավելի, որ գիշերները սիստեմատիկ կրակոցների ձայներ են լսվում»,- նշել է նա։ Մարզպետի խոսքով՝ ՊՆ-ն հստակ արձանագրում է փաստն ու դիրքորոշում ունի այս առնչությամբ։ «ՊՆ ասածին ավելացնելու բան, երևի թե, չունեմ»,- ասել է Ղուկասյանը։