Հուլիսի 7-ին Ռուսաստանի Դաշնության արտաքին գործերի փոխնախարար Միխայիլ Գալուզինը հանդիպում է ունեցել Ռուսաստանի Դաշնությունում Հայաստանի Հանրապետության արտակարգ և լիազոր դեսպան Գուրգեն Արսենյանի հետ։ Այս հաղորդագրություն է տարածել ՌԴ ԱԳՆ-ն: «Քննարկվել են երկկողմ և տարածաշրջանային օրակարգի մի շարք հարցեր։ Անցկացվել է ռուս-հայկական առաջիկա շփումների ժամանակացույցի ստուգում։ Զրույցի ընթացքում դիվանագիտական ​​​​առաքելության ղեկավարին տեղեկացվել է Հայաստանում Ռուսաստանի և երկկողմ հարաբերությունների շուրջ կառուցողական տեղեկատվական ֆոն պահպանելու անհրաժեշտության մասին։ Այս համատեքստում հաստատվել է Ռուսաստանի առաջարկը՝ Ռուսաստանի և Հայաստանի համապատասխան գերատեսչությունների միջև խորհրդակցությունների ևս մեկ փուլ անցկացնելու վերաբերյալ»,- նշվում է հայտարարության մեջ։