Դատարանը բավարարեց ՀՀ ԱԺ «Հայաստան» խմբակցության պատգամավոր Արթուր Սարգսյանին 2 ամսով կալանավորելու միջնորդությունը։ Արթուր Սարգսյանին կալանավորելու միջնորդությունը մակագրվել էր դատավոր Արտակ Կարապետյանին: Արտակ Կարապետյանը գործարար, բարերար Սամվել Կարապետյանին կալանավորած դատավորն է։ Արթուր Սարգսյանի տեսակցությունները սահմանափակվել են՝ բացառությամբ մերձավորների, լրագրողների հետ զրույցում հայտնել է Արթուր Սարգսյանի պաշտպան Սմբատ Մինասյանը և նշել, որ 10-օրյա ժամկետում Վերաքննիչ դատարանում կբողոքարկեն առաջին ատյանի դատարանի որոշումը։ «Վերաքննիչ դատարանից ակնկալում ենք, որ արդարադատություն կիրականացնի և կբավարարի մեր ներկայացրած հատուկ վերանայման բողոքը»,– ասել է փաստաբանը։