Կալանավայրում դատապարտյալ է կախվել
16/7/2025 12:35
«Արմավիր» քրեակատարողական հիմնարկում պատիժ կրող, 1987թ․ ծնված դատապարտյալ Ա․Ս․-ն հայտնաբերվել է խցի պատուհանի ճաղավանդակից սավանով կախված վիճակում։
Այս մասին հայտնել է Քրեակատարողական ծառայության մամուլի խոսնակ Նոնա Նավիկյանը։
Դեպքը տեղի է ունեցել հուլիսի 14-ին։ Անմիջապես կանչվել է շտապօգնություն, որն արձանագրել է դատապարտյալի կենսաբանական մահը։
Դեպքի առթիվ ՀՀ ՔԿ Արմավիրի մարզային քննչական վարչության Վաղարշապատի քննչական բաժնում նախաձեռնվել է քրեական վարույթ։