Հայաստանը չի պատրաստվում հրաժարվել ռուսական ցորենից՝ ուկրաինական ցորենի օգտին․ այս մասին այսօր լրագրողների հետ զրույցում հայտարարել է Նիկոլ Փաշինյանը։ Նա հերքել է լրագրողի կողմից հարցի տեսքով հնչեցված տեղեկատվությունը՝ «Դա աբսուրդ է»։ Փաշինյանը նաև հերքել է ԱՄՆ-ի և Մեծ Բրիտանիայի ներգրավվածության մասին լուրերը Հայաստանի արտաքին հետախուզության ծառայության գործունեության մեջ։ «Մեծ Բրիտանիան և ԱՄՆ-ն որևէ կապ չունեն դրա հետ։ Այն ստեղծվել է Հայաստանի կառավարության որոշումներով։ Միևնույն ժամանակ, մեր արտաքին հետախուզության ծառայությունը, ինչպես ցանկացած արտաքին հետախուզական ծառայություն, համագործակցում է օտարերկրյա գործընկերների հետ, այդ թվում՝ Ռուսաստանից, ԱՄՆ-ից և Մեծ Բրիտանիայից»,- հայտարարել է Փաշինյանը։