Շնորհակալություն, որ հնարավորություն տվեցիք ցույց տալու, թե ինչի կարելի է հասնել իրական առաջնորդության միջոցով, այս մասին ասել է ԱՄՆ փոխնախագահ Ջեյ Դի Վենսը՝ դիմելով Փաշինյանին ու Ալիևին։ «Մենք շնորհակալ ենք ձեր գործընկերության համար, և մասնավորապես, ես մտածում եմ Ադրբեջանի նախագահի և Հայաստանի վարչապետի մասին, որոնց հետ ես հանդիպեցի անցյալ շաբաթ։ Շնորհակալություն բոլորիդ սա հնարավոր դարձնելու և ցույց տալու համար, թե ինչի կարող է հասնել իրական առաջնորդությունը։ Երբ դուք մի կողմ եք դնում զենքը, սպանությունները և ավերածությունները և ներդրում եք կատարում ձեր ժողովրդի բարգավաճման համար, մեծ բաներ կարող են տեղի ունենալ։ Այսպիսով, շնորհակալություն երկուսիդ էլ ձեր արածի համար»։