Սամվել Կարապետյանը հայտարարել է, որ սկսել է Հայաստանի քաղաքացիությունից բացի բոլոր այլ քաղաքացիություններից հրաժարվելու գործընթացը,- գրում է ՏԱՍՍ-ը: «Քանի որ մասնակցում եմ ընտրություններին և վստահ եմ իմ հաղթանակի հարցում, որոշում եմ կայացնել սկսել այդ անձնագրերից հրաժարվելու գործընթացը»,- ասել է նա դատական առաջին նիստի ժամանակ։ Հայաստանի քաղաքացիությունից բացի այլ քաղաքացիությունների առկայությունը խոչընդոտ է Հայաստանի խորհրդարանական ընտրություններին մասնակցելու համար, որոնք կայանալու են հունիսի 7-ին։