Հայաստանի երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանը Հայոց ցեղասպանության 111-րդ տարելիցի օրը այցելել է Ծիծեռնակաբերդի հուշահամալիր։ Նախագահին ուղեկցում էին տիկինը՝ Բելլա Քոչարյանը, և թոռնիկը։ Լրագրողների հետ զրույցում նա նշել է, որ ոչ մի կառավարություն չի կարող այս ամենը փակել կամ մոռացության տալ, եթե ժողովուրդը Ցեղասպանության հիշատակի վերաբերյալ իր կարծիքը հայտնում է այսպիսի հոսքով։ Քոչարյանը հիշեցրել է, որ իր նախագահության օրոք բազմաթիվ երկրներ ճանաչել են Ցեղասպանության փաստը, և եթե ՀՀ ներկայիս իշխանությունը շարունակեր այս գործը, ի վերջո Հայոց ցեղասպանություն փաստը ժխտելն անիմաստ կդառնար նաև Թուրքիայի համար։