Բաթումիում ավարտված ծանրամարտի Եվրոպայի առաջնությունում Հայաստանի տղամարդկանց հավաքականը երկրորդ տարին անընդմեջ ճանաչվել է թիմային հաշվարկի բացարձակ հաղթող։ Կանանց հավաքականն այս ցուցանիշով գրավել է պատվավոր երրորդ տեղը։ Մրցաշարին մեր երկիրը ներկայացել էր 16 ծանրորդով՝ 8 տղամարդ և 8 կին։ ​Մեր մարզիկների գրանցած արդյունքներն ըստ մեդալների վերջնահաշվարկի՝ ​Ոսկե մեդալակիրներ (Չեմպիոններ) ​Գարիկ Կարապետյան (110 կգ)՝ երկամարտի 415 կգ արդյունքով հռչակվել է չեմպիոն 3-րդ անգամ։ ​Վարազդատ Լալայան (+110 կգ)՝ երկամարտի 451 կգ արդյունքով նվաճել է չեմպիոնի տիտղոսը 3-րդ անգամ։ ​Էմմա Պողոսյան (86 կգ)՝ երկամարտի 248 կգ արդյունք։ ​Արծաթե մեդալակիրներ (Փոխչեմպիոններ) ​Գառնիկ Չոլակյան (60 կգ)՝ 274 կգ։ ​Գոռ Սահակյան (71 կգ)՝ 330 կգ։ ​Արա Աղանյան (94 կգ)՝ 381 կգ։ ​Ալեքսանդրա Գրիգորյան (58 կգ)՝ 210 կգ։ ​Բրոնզե մեդալակիր ​Մարտին Պողոսյան (79 կգ)՝ երկամարտի 338 կգ արդյունքով։