Բոլորն էլ պատասխան են տալու, իմ վրա էլ են դրել ապօրինի հարստացում, բայց ես ամբողջ կյանքս աշխատել եմ: Այս մասին Իջևանում քարոզարշավի ժամանակ ասել է Գագիկ Ծառուկյանը՝ Նիկոլ Փաշինյանի՝ իրեն թիրախավորելու մասին հարցին ի պատասխան: «Ամեն մարդ իր հզորությունն ու ամեն ինչը իմանալով մանր բաների հետևից չի ընկնի: Կա օրենք, կա կարգ, բոլորն էլ պատասխան են տալու, իմ վրա էլ են դրել ապօրինի հարստացում, բայց ես ամբողջ կյանքս աշխատել եմ, 1889 թվականին օրը 1 միլիոն աշխատել եմ, սնկից եմ սկսել, կոշկի ցեխ եմ բացել, օղու գործարան: Ինձ էլ էին դատել, հիմա արդարացրել են, դե թող պատասխան տան, ամեն ինչ չափ ունի, ամեն մարդ պետք է հասկանա, թե ինչ է խոսում: Իմ մեծությունից ցած չեմ իջնում, օրենքի սռաջ բոլոր քաղաքացիները պարտավոր են պատասխան տալ»,- նշել է նա: Անդրադառնալով հարցին, թե ինչու՞ Նիկոլ Փաշինյանը հիմա հիշել իր որդուն և երեկ հայտարարություն արեց վերջինիս ՀՀ վերադարձնելու և պատժելու մասին՝ Գագիկ Ծառուկյանը նշեց. «Դա թողնում եմ ձեզ, դուք որոշեք, դուք ասեք, ես ինչ երեկ արձագանքել եմ, իմ արձագանքը դա է»: