Հինգշաբթի Իրանի հարավում՝ Հորմոզգան նահանգի Դարգահան քաղաքի մերձակայքում, 4,6 մագնիտուդ ուժգնությամբ երկրաշարժ է տեղի ունեցել. այս մասին հաղորդում է Mehr-ը։ Իրանի Ազգային սեյսմոլոգիական կենտրոնի տվյալներով՝ ստորգետնյա ցնցումը գրանցվել է տեղական ժամանակով ժամը 13:26-ին, իսկ դրա էպիկենտրոնը գտնվել է 20 կմ խորության վրա։ Երկրաշարժի աշխարհագրական կոորդինատներն են՝ արևելյան երկայնության 55,97 աստիճան և հյուսիսային լայնության 27,18 աստիճան։ Ավերածությունների կամ զոհերի մասին տեղեկություններ չեն հաղորդվել։