Լոս Անջելեսի Նորթ Հիլզ թաղամասի իրենց տանը մահացած են հայտնաբերվել չորս մարդ, այդ թվում՝ երկու երեխա։ Քննիչները դեպքը դիտարկում են որպես սպանություն-ինքնասպանություն: Տանը կրակոցների մասին հաղորդումից հետո հայտնաբերվել են տղամարդու, կնոջ և երկու երեխաների մարմիններ։ Դատաբժշկական փորձագետը նույնականացրել է 31-ամյա Խաժակ Բասմաջյանին, ով երեխաների հայրն էր, երկու երեխաները նույնականացվել են որպես 2 տարեկան տղա և 6 օրական աղջիկ։ Հայտնաբերվել է նաև մոր՝ 30-ամյա կնոջ դի։ Քննիչները կարծում են, որ կրակողը եղել է մայրը, որին նույնպես մահացած են գտել։ Ըստ նրանց՝ մայրը կրակել և սպանել է իր երկու երեխաներին, ապա նրանց հորը և ինքնասպան եղել։