Արևմուտքն ու ԱՄՆ-ը Հայաստանին մոտենում են իրենց խլելու և թալանելու տրամաբանությամբ, նրանց պետք են այս երկրի հազվագյուտ հողային ռեսուրսները,- ՏԱՍՍ-ին տված հարցազրույցում այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։ Դիվանագետն ուշադրություն է հրավիրել Ռուսաստանի և Հայաստանի հարաբերությունների վերաբերյալ տարբեր կարծիքների վրա։ «Կարելի է շարունակել մնալ ինչ-որ պատրանքների մեջ, կամ կարելի է նայել իրականության աչքերին և տեսնել այն, ինչ իրականում տեղի է ունենում: «Արևմուտքում «խլելու, թալանելու, յուրացնելու, նվաստացնելու և ոչնչացնելու» մոտեցման տրամաբանությունը, ցավոք, կենդանի է, և նրանք այն կիրառում են նաև Կովկասում»,- ասել է Զախարովան։ Նա հիշեցրել է, որ այն թղթերի նման, որոնք հիմա Երևանում ստորագրեցին Ռուբիոյի հետ, նույնը ստորագրվել էր նաև ամերիկյան նախորդ վարչակազմի օրոք։ «Դրանից ի՞նչն է կատարվել, կցանկանայի հարցնել»,- հետաքրքրվել է ՌԴ ԱԳՆ պաշտոնական ներկայացուցիչը։ Նա նշել է, որ Ռուսաստանն առաջարկել է և առաջարկում է Հայաստանին փոխշահավետ, փոխարդյունավետ և փոխադարձ հարգանքի վրա հիմնված շփում ու հարաբերությունների զարգացում բոլոր ուղղություններով՝ էներգետիկա, առևտուր, զբոսաշրջություն։ «Սա թղթի վրա մնացող սոսկ մտադրությունների հռչակագիր չէ, սա PR արշավ չէ. եկան, ստորագրեցին, ձեռք սեղմեցին, հետո հեռացան ու մոռացան: Այն, ինչ ստորագրվում է մեր կողմից, կատարվել է և կատարվում է։ Եվ կատարվում է ի շահ մեր երկրների ժողովուրդների»,- ասել է դիվանագետը։