ՆԱՏՕ-ի եվրոպական երկրները և Կանադան ամերիկյան ռազմարդյունաբերական համալիրի ձեռնարկություններում շուրջ 300 միլիարդ դոլարի պատվերներ են տեղադրել, հայտնել է ՆԱՏՕ-ի գլխավոր քարտուղար Մարկ Ռյուտեն Financial Times-ին տված հարցազրույցում՝ հուլիսի 7-8-ը Անկարայում կայանալիք դաշինքի գագաթնաժողովի նախաշեմին, հաղորդում է ՌԻԱ Նովոստի-ն: «Եվրոպացիների և կանադացիների կողմից ԱՄՆ-ում տեղադրված պատվերների ընդհանուր ծավալը, որոնք պետք է իրականացվեն առաջիկա տարիներին, այժմ կազմում է 300 միլիարդ դոլար։ Բացի այդ, եվրոպական և կանադական ներդրումներն ամերիկյան պաշտպանական արդյունաբերության մեջ արդեն իսկ աջակցում են ԱՄՆ-ում 195 հազար աշխատատեղի»,- ասել է նա։ Ակնկալվում է, որ Անկարայում կայանալիք ՆԱՏՕ-ի գագաթնաժողովում առանցքային թեմաներից մեկը կլինի դաշինքի երկրների պաշտպանական արտադրության ավելացումը։ ԱՄՆ նախագահ Դոնալդ Թրամփի քննադատությունից և պահանջներից հետո դաշնակիցները զգալիորեն ավելացրել են իրենց ռազմական ծախսերը, սակայն միևնույն ժամանակ նոր պատվերների զգալի մասը բաժին է ընկնում ամերիկյան սպառազինություն արտադրողներին։