Իրանի բանակի հայտարարության համաձայն՝ չորեքշաբթի գիշերը ԱՄՆ-ի կողմից Իրանի հարավում իրականացված հարձակման հետևանքով զոհվել է իրանցի բանակի ութ սպա։ «Այսօր Իրանի հարավում ԱՄՆ բանակի կողմից իրականացված հանցավոր հարձակման արդյունքում Բանդար Աբբասում և Բուշերում թշնամու արկերից զոհվել են Իրանի ռազմաօդային ուժերի և նավատորմի ութ քաջարի զինծառայողներ՝ հայրենիքը պաշտպանելիս»,-Իրանի բանակի հայտարարությունը մեջբերել է SNN հեռուստաալիքը։ Չորեքշաբթի գիշերը ԱՄՆ զինված ուժերը մի շարք հզոր հարվածներ են հասցրել Իրանին։ ԱՄՆ կենտրոնական հրամանատարությունը հայտարարել է, որ դա Հորմուզի նեղուցով անցնող առևտրային նավերի դեմ Իրանի կողմից ձեռնարկված գործողությունների պատասխանն էր։