Երբ ՀՀ սահմանադրության փոփոխության հարցը լուծվի, մենք կարծում ենք, որ վերջնական խաղաղության համաձայնագրի ստորագրման համար ոչ մի խոչընդոտ չի մնա,- Reuters-ին այս մասին ասել է Ադրբեջանի նախագահի օգնական Հիքմեթ Հաջիևը: Նա Հաջիևը բարձր է գնահատել երկրների առաջընթացը դեպի խաղաղություն, ներառյալ աճող ուղղակի շփումները և երկկողմ առևտուրը։ «Մենք ապրում ենք իրական խաղաղության պայմաններում։ Ադրբեջանի և Հայաստանի համար խաղաղությունը պարզապես թղթի վրա գրված կամ հռչակագրում պարունակվող բան չէ, այն իրականություն է»,- ասել է նա՝ մատնանշելով Հայաստան ադրբեջանական նավթամթերքի մատակարարումների ավելացումը։ Չնայած առաջընթացին՝ նա նշել է, որ Բաքուն պահպանում է իր դիրքորոշումը Հայաստանի սահմանադրության վերաբերյալ։ «Սահմանադրական փոփոխությունների ձևը Հայաստանի ներքին գործն է: Ադրբեջանի համար կարևորն այն է, որ մեր երկրի նկատմամբ տարածքային պահանջներ համարվող դրույթները պաշտոնապես հեռացվեն՝ լինի դա նոր սահմանադրության ընդունմամբ, թե այլ իրավական մեխանիզմով: Երբ այդ հարցը լուծվի, մենք կարծում ենք, որ վերջնական խաղաղության համաձայնագրի ստորագրման համար ոչ մի խոչընդոտ չի մնա»,- ասել է Հաջիևը։