Այսօր վաղ առավոտյան ուժայինները մտել են «Ուժեղ Հայաստան» դաշինքի պատգամավորի մանդատ ստացած Նարեկ Կարապետյանի առանձնատուն և խուզարկություններ անցկացրել․ այս մասին հայտնլ է «Ուժեղ Հայաստան» կուսակցության մամուլի խոսնակ, պատգամավորի մանդատ ստացած Մարիաննա Ղահրամանյանը։ ««Ուժեղ Հայաստանի» նկատմամբ ապօրինի հետապնդումները շարունակվում են»,- գրել է նա։ «Նարեկ Կարապետյանի տանը քննչական գործողություններ են կատարվում Ալիկ Ալեքսանյանին առնչվող քրեական վարույթի շրջանակում»,- այս մասին Սպուտնիկ Արմենիային հայտնել են Քննչական կոմիտեից։ Խուզարկությունն այս պահին ավարտվել է. քննիչները հեռացել են «Ուժեղ Հայաստան» դաշինքի պատգամավորի մանդատ ստացած Նարեկ Կարապետյանի տնից։