Հայտնի են 9-րդ և 12-րդ դասարանների վերաքննության օրերն ու ժամերը: Այս մասին հայտնում են ԳԹԿ-ից: Հանրակրթական դպրոցների 9-րդ և 12-րդ դասարանների վերաքննությունները կազմակերպելու նպատակով տվյալ առարկաների թեստերը Գնահատման և թեստավորման կենտրոնի կայքում (www.atc.am) կտեղադրվեն վերաքննության օրերին: Ժամը 10:00-ին կայանալիք առարկայի թեստը կտեղադրվի ժամը 09:30-ին, իսկ ժամը 13:00-ին կայանալիք առարկայի թեստը՝ ժամը 12:30-ին: Թեստերը ստուգելու են տվյալ ուսումնական հաստատության առարկայական մասնագետները: Վերաքննություններն անցկացվելու են հետևյալ ժամանակացույցով․ Օգոստոսի 20 Ժամը 10:00 9-րդ դասարան՝ «Մաթեմատիկա» 12-րդ դասարան՝ «Մաթեմատիկա» Ժամը 13:00 9-րդ դասարան՝ «Հայոց լեզու» 12-րդ դասարան՝ «Հայոց լեզու և գրականություն» Օգոստոսի 21 Ժամը 10:00 9-րդ դասարան՝ «Բնագիտություն» 12-րդ դասարան՝ «Հայոց պատմություն» Ժամը 13:00 9-րդ դասարան՝ Էսսե։