Հայաստանի եվրոպական և եվրասիական կողմնորոշման միջև ընտրության թեման կդառնա Մոսկվայում կայանալիք Ռուսաստանի նախագահ Վլադիմիր Պուտինի և Հայաստանի վարչապետ Նիկոլ Փաշինյանի բանակցությունների կենտրոնական թեման։ Այս մասին ճեպազրույցում հայտարարել է ՌԴ նախագահի մամուլի քարտուղար Դմիտրի Պեսկովը։ «Երկրների ղեկավարները հնարավորություն կունենան հերթական անգամ բոլոր կողմերից քննարկել հիմնական թեման: Այդուհանդերձ, սա զարգացման ուղղության, Հայաստանի կողմնորոշման ընտրության թեման է և համապատասխան հանրաքվե անցկացնելու թեման», - հավելել է Կրեմլի ներկայացուցիչը։