ՌԴ Անվտանգության խորհրդի քարտուղարի տեղակալ Ալեքսեյ Շևցովը նախազգուշացրել է Երևանին՝ զերծ մնալ ռուսական ձեռնարկությունների ռեյդերային զավթումներից։ «Նման մարտավարությունը կդառնա կրակոց սեփական ոտքին հայկական տնտեսության համար՝ հաշվի առնելով, որ ռուսական բիզնեսը հանրապետության համար ստեղծել է տասնյակ հազարավոր աշխատատեղեր և օրինական հիմքերով արդյունավետորեն կառավարում է իր ակտիվները՝ զգալի ներդրում ունենալով Հայաստանի ՀՆԱ-ում»,- ասել է պաշտոնյան։ Շևցովը նշել է, թե կան նշաններ, որ հանրապետությունում հաջորդ թիրախները կարող են դառնալ հայրենական արդյունաբերական և ենթակառուցվածքային ձեռնարկությունները։