Հարավային Կովկասում խաղաղության հաստատմանն ուղղված ջանքերի համար Նիկոլ Փաշինյանին շնորհվել է Հեսսեյան խաղաղության մրցանակը, հայտնել է վարչապետի մամուլի խոսնակը: Այսօր Փաշինյանն աշխատանքային այցով մեկնել է Գերմանիայի Դաշնային Հանրապետություն: Այցի շրջանակում Վիսբադենում՝ Հեսսենի դաշնային երկրամասային խորհրդարանում, հանդիսավոր արարողության շրջանակում Հարավային Կովկասում խաղաղության հաստատմանն ուղղված ջանքերի համար նրան շնորհվել է Հեսսեյան Խաղաղության մրցանակը: Հաջորդիվ Նիկոլ Փաշինյանը Ֆրանկֆուրտի արդյունաբերության և առևտրի պալատում հանդիպում կունենա տեղի գործարարների հետ: