Այսօր Հայաստանի մի քանի քաղաքացի, ահազանգել են, որ մեկ ամսից ավելի է՝ 30-ից ավելի հայ վարորդ իրենց բեռնատարներով հայտնվել են պատանդի կարգավիճակում: Shamshyan.com-ի հաղորդմամբ՝ վարորդներից մեկը, որն ըստ իր խոսքերի, ներկայացնում էր բոլորի կարծիքը, ասել է. «Մեկ ամիս է՝ Լարսի ռուսական կողմում կանգնել ենք բեռներով, ոչ բեռնատարների տերերն են կարողանում գումար ուղարկել, ոչ մենք ենք կարողանում մնալ, դիզվառելիքն էլ վերջացել է, գնում, բերում ենք, որ գոնե կարողանանք տաքանալ, ու չգիտենք ինչ անել։ Մոտ 30-40 բեռնատար կա այս պահին կանգնած, որոնք բարձված են կոնյակով»։