Հայաստանի Անկախության հռչակագրի տեքստը հակապետական է,- լրագրողների հետ զրույցում այս մասին հայտարարել է Նիկոլ Փաշինյանը և նշել, որ ըստ դրա՝ «անհնար է անկախ պետություն ունենալ»։ «Այս տեքստը պետություն ունենալու անհնարինության մասին է։ Մենք պետք է դասեր քաղենք մեր պատմությունից»,- ընդգծեց Փաշինյանը։ «Աշխարհակարգը փլուզվում է, և մենք այս պայմաններում կարողացանք խաղաղություն հաստատել»,- ասել է նա։ Նրա խոսքով՝ Անկախության հռչակագրում ամրագրված գաղափարախոսությունից հրաժարվելը որևէ կապ չունի Ադրբեջանի կամ որևէ արտաքին սուբյեկտի հետ։ «Դա բխում է Հայաստանի շահերից»: