Բա ո՞վ է գնալու բանակ ծառայելու

16/11/2026 13:32

Բա ո՞վ է գնալու բանակ ծառայելու, ո՞վ, ԱԺ պաշտպանության և անվտանգության հարցերի մշտական հանձնաժողովի նիստում հայտարարել է «Հայաստան» խմբակցության պատգամավոր Գեղամ Մանուկյանը` բանակից ազատելու նախագծերի մասին: «Արդեն երկու նախագիծ ունենք պարտադիր զինվորական ծառայությունից ազատելու վերաբերյալ։ Մեկը վերաբերում է աշխարհի 50 լավագույն բուհերի շրջանավարտներին, մյուսով ՆԳՆ-ն առաջարկում է ազատել ոստիկանական և փրկարար ծառայության ընդունվածներին։ Բա ո՞վ է գնալու բանակ ծառայելու, ո՞վ»,– ասել է նա: Նա մտահոգություն է հայտնել, որ նման տրամաբանությամբ հետագայում այլ ոլորտների ներկայացուցիչների համար ևս կարող են բացառություններ նախատեսվել։ Օրինակ` էկոնոմիկայի նախարարը կարող է գալ և ասել, որ Հայաստանում զբոսաշրջությունը խիստ զարգանում է, խոհարարների պակաս ունենք, եկեք, օրինակ, «Միշլեն» մրցանակ ստացածներին ազատենք պարտադիր զինվորական ծառայությունից: