Փաշինյանը հրաժարական կտա, եթե ժողովուրդը մերժի նոր Սահմանադրության ընդունումը
19/11/2026 12:27

Հաջորդ շաբաթ կհրապարակվի նոր Սահմանադրության նախնական նախագիծը,- այս մասին լրագրողների հետ զրույցում հայտնել է Նիկոլ Փաշինյանը։
Նա վերահաստատել է, որ եթե ժողովուրդը մերժի նոր Սահմանադրության ընդունումը, ինքը հրաժարական կտա։
«Իսկ եթե նոր Սահմանադրությունն ընդունվի, անձամբ ես վարչապետի պաշտոնում իմ թեկնածությունը չեմ առաջադրի։ Այսինքն՝ անկախ հանրաքվեի արդյունքներից։ Եթե ընդդիմությունը մերժի այս առաջարկը, մենք նրանց կհեռացնենք։ Միևնույն ժամանակ, ժողովուրդը կարող է դուրս գալ և հասնել իմ հրաժարականին՝ անկախ հանրաքվեից»,– հավելել է Փաշինյանը։
Նրա խոսքով՝ անկախ Հայաստանում քաղաքական առաջնորդությունը հիմնված է եղել ՀՅԴ գաղափարախոսության վրա։
«Խորհրդային Հայաստանը վերափոխվել է դաշնակցական Հայաստանի։ Ինչո՞ւ մենք չպետք է կապ ունենանք Անկախության հռչակագրում ներառված՝ Արևմտյան Հայաստանի և ԼՂԻՄ-ի ու Հայաստանի վերամիավորման դրույթների հետ։ Որովհետև դրանք Հայաստանը տեղավորում էին կոնֆլիկտային տրամաբանության մեջ, իսկ մենք պետք է Հայաստանը դուրս բերենք այդ տրամաբանությունից»,– նշել է Փաշինյանը։