Այս դժվարին պահին մենք համերաշխ ենք եղբայրական Վրաստանի ժողովրդի հետ․ ՀՀ ԱԳՄԱՆ

20/11/2026 16:01

Հայաստանի արտաքին գործերի և միջազգային առևտրի նախարարությունը ցավակցություն է հայտնել Թբիլիսիի Փոնիճալա թաղամասում տեղի ունեցած պայթյունի կապակցությամբ։ «Մեր խորին ցավակցությունն ենք հայտնում Թբիլիսիի Փոնիճալա թաղամասում տեղի ունեցած ողբերգական պայթյունի կապակցությամբ, որը մարդկային կյանքեր է խլել»,- ասվում է ՀՀ ԱԳՄԱՆ-ի՝ X-ում հրապարակված հաղորդագրությունում։ ՀՀ արտաքին քաղաքական գերատեսչությունը ցավակցություն է հայտնել զոհվածների ընտանիքներին և հարազատներին՝ վիրավորներին մաղթելով շուտափույթ ապաքինում։ «Այս դժվարին պահին մենք համերաշխ ենք եղբայրական Վրաստանի ժողովրդի հետ»,- ասված է ցավակցական ուղերձում։ Հիշեցնենք, որ Վրաստանում բնակելի շենքում պայթյունի հետևանքով 6 մարդ է զոհվել, երկրում Սգո օր է հայտարարվել։